Մեկնաբանելով Ադրբեջանի հետ համադաշնություն ստեղծելու մասին Վրաստանի նախագահ Միխայիլ Սահակաշվիլիի հայտարարությունը՝ Վրաստանի արտգործնախարար Գրիգոլ Վաշաձեն ասել է, որ նախագահ Սահակշվիլին երբեք էմոցիոնալ չի, երբ հայտարարություններ է անում։

-Սահակաշվիլին իրատես է և համադաշնության մասին  խոսել է ճշտորեն նկարագրելու համար երկու երկրների միջև գործընկերությունը։ Սա նաև դեկորատիվ նկարագրությունն է, թե ինչպիսի առաջընթաց կա վրաց-ադրբեջանական հարաբերություններում,- ասել է Վաշաձեն, այդուհանդերձ նշելով, որ համադաշնությունը ստեղծելու համար Սահմանադրության փոփոխության Վրաստանը չի գնա։

Հիշեցնենք, որ ավելի վաղ Վրաստանի արտաքին գործերի նախարարը հերքել Է վրաց-ադրբեջանական համադաշնություն ստեղծելու մտադրության վերաբերյալ տեղեկատվությունը: