Դեկտեմբերի 15-ին, ժամը 15.11-ին ՏԿԱԻՆ–ում ահազանգ է ստացվել, որ հրդեհ է բռնկվել Երևանի Վարդաշեն թաղամասի 9-րդ փողոցի տներից մեկին կից խորդանոցում:

Դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը 15.44-ին, մարվել` 15.55-ին:

Ամբողջությամբ այրվել են տանը կից շինությունը (8ք.)՝ գույքով, մասամբ՝ տան տանիքի փայտյա կառուցատարրերը (10 քմ) և պատուհան:

***

Դեկտեմբռրի 15-ին, ժամը 18.54-ին ահազանգ է ստացվել, որ հրդեհ է բռնկվել Տավուշի մարզի Նոյեմբերյան քաղաքի Կարախանյան փողոցի 4-րդ բնակելի առանձնատանը:

Դեպքի վայր է մեկնել երկու մարտական հաշվարկ:

Հրդեհը մեկուսացվել է ժամը 20.32-ին, մարվել՝ 20.37-ին:

Այրվել են Ս. Գ.-ի տան տանիքը (360 քմ) և մառանն՝ ամբողջությամբ (մոտ 80 քմ):