Դեկտեմբերի 16-ին՝ ժամը 02.14-ին, ահազանգ է ստացվել, որ հրդեհ է բռնկվել Չեխովի փողոցի թիվ 50 շենքին հարակից ոչ բնակելի շինությունում:

Դեպքի վայր է մեկնել երկու մարտական հաշվարկ:

Պարզվել է, որ այրվում են ոչ բնակելի 2 վագոն տնակների (30 քմ և 20 քմ) փայտյա կառուցատարրերը:

Հրդեհը մեկուսացվել է ժամը 02.38-ին, մարվել՝ 03.37-ին:

***

Դեկտեմբերի 16-ին՝ ժամը 03.34-ին, ահազանգ է ստացվել որ հրդեհ է բռնկվել Երևանի Իսրայելյան փողոցում գտնվող չշահագործվող շինության տարածքում:

Դեպքի վայր է մեկնել երկու մարտական հաշվարկ:

Պարզվել է, որ հրդեհը բռնկվել է Իսրայելյան փողոցում գտնվող ոստիկանության չշահագործվող շենքում:

Հրդեհը մեկուսացվել է ժամը 04.08-ին, մարվել` 05.01-ին: Ամբողջությամբ այրվել է շինությունը (60 քմ) և կուտակված աղբ (4 խմ):

Ներսում գտնվել է 1955 թ. Ա. Ա.-ը, ով մինչ հրշեջ-փրկարարների կանչի վայր հասնելը՝ ինքնուրույն դուրս է եկել շինությունից և ծխահարման նախանշաններով հոսպիտալացվել «Սուրբ Գրիգոր Լուսավորիչ» ԲԿ: Բժիշկները տուժածի առողջական վիճակը գնահատել են ծանր:

***

Դեկտեմբերի 16-ին՝ ժամը 03.32-ին, ահազանգ է ստացվել, որ Արարատի մարզի Նոր Կյուրին գյուղի 17-րդ փողոցում այրվում է վագոն-տնակ:

Դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը 04.01-ին, մարվել՝ 04.28-ին: Նոր Կյուրին գյուղի 1-ին փողոցում ամբողջությամբ այրվել է Ռ. Ն.-ին պատկանող բնակելի վագոն-տնակը (27 քմ):