Ավելի քան 150 ընդդիմադիր խմբավորում է կռվում Սիրիայում «Իսլամական պետության» դեմ։ Այս մասին, «Գազետայի» փոխանցմամբ, ասվում է ՌԴ ՊՆ մամլո հաղորդագրության մեջ։

«Սիրիական զինված ուժերի ցամաքային արշավի հաջողություններին նպաստում են, այսպես կոչված, ընդդիմության գործողություններն ԻԼԻՊ–ի դեմ։ Ներկայումս Սիրիայի տարածքում գործում է ավելի քան 150 նման խմբավորում»,–ասել է ՌԴ ԳՇ Գլխավոր օպերատիվ վարչության պետ Սերգեյ Ռուդսկոյը։

Ավելի վաղ հաղորդվել էր, որ ԻՊ ահաբեկիչների դեմ կռվող սիրիական ընդդիմությունը փոխգործակցում է ՌԴ ավիախմբի հետ։

7or.am