ԱԺ արտահերթ նիստում քննարկվում է «Գյուղատնտեսական կոոպերատիվների մասին» ՀՀ օրենքի նախագիծը, որում նշված են նաև «փայ», «փայատեր» բառերը։

Արձագանքելով այդ փաստին՝ խորհրդարանի նախագահ Գալուստ Սահակյանը նշել է.

–«Փայ» բառ գրական հայերենում չկա: Եթե բարբառային իմաստը բացատրեմ, լրիվ հակառակ պատկերը կստացվի։

Փոխարենը՝ ԱԺ փոխնախագահ Հերմինե Նաղդալյանն ընդգծել է, որ «փայ» բառը ժարգոն չէ. տնտեսագիտական տերմին է:

Հակադարձելով Նաղդալյանին՝ Գ.Սահակյանը նկատել է. «Ես խնդրում եմ՝ ինձ «կամենտարյաներ» չանեք։ Ես ասում եմ՝ հայերենում «փայ» բառ գոյություն չունի։ Եթե օտար տերմին է, դրա բացատրությունը պետք է լինի բաժնեմաս»։

7or.am