Նոյեմբերի 24-ին ԼՂՀ նախագահ Բակո Սահակյանն ընդունել է Վրաստանի հայ երիտասարդների պատվիրակությանը, որը Ստեփանակերտ է ժամանել «Արցախն իմ հայրենիքն է» երիտասարդական համաժողովին մասնակցելու համար:
Հանդիպմանը քննարկվել են Արցախի և Վրաստանի հայ երիտասարդների միջև ավելի սերտ համագործակցության հաստատման, անմիջական շփումների ակտիվացման, ինչպես նաև համատեղ ծրագրերի իրականացման հետ կապված հարցեր:
ԼՂՀ նախագահը ողջունել է Ստեփանակերոտւմ նման համաժողովի անցկացման գաղափարը և ընդգծել հայ երիտասարդների միջև փոխգործակցությունը ավելի բովանդակալից դարձնելու և կոնկրետ գործողությունների անցնելու անհրաժեշտությունը: Այդ համատեքստում Բակո Սահակյանը նշել է, որ ԼՂՀ իշխանությունները պատրաստ են ըստ ամենայնի աջակցել երիտասարդության ոլորտում խնդիրների լուծմանը:
 Հանդիպմանը մասնակցել է ԼՂՀ մշակույթի և երիտասարդության հարցերի նախարար Նարինե Աղաբալյանը: