Սիրիայի նախագահ Բաշար Ասադը հոլանդացի լրագրողի հետ զրույցում հայտարարել է, որ Սիրիայում զինված հակամարտությունը կարող է մեկ տարուց էլ շուտ ավարտվել, բայց միայն այն դեպքում, եթե Արևմուտքի և Մերձավոր Արևելքի մի շարք երկրներ դադարեցնեն աջակցությունն ահաբեկիչներին։

«Ի՞նչ գործ ունեն ծայրահեղական գաղափարների կրողները Եվրոպայում։ Սիրիան ահաբեկչության որջ է դարձել, որովհետև Եվրոպան, Թուրքիան և շատ այլ երկրներ տարբեր միջոցներով աջակցել են ծայրահեղականներին։ Եթե քաոս գոյություն ունի, ապա բնական է, որ դա հրապուրում է աշխարհի բոլոր երկների ահաբեկիչներին, բայց հարցը հետևյալն է՝ ինչո՞ւ այդ ահաբեկիչները գոյություն ունեին Եվրոպայում. որովհետև ահաբեկչությանը դուք լուրջ չէիք վերաբերվում»,–ընդգծել է Ասադը՝ հավելելով, որ եթե ահաբեկիչներին ֆինանսավորելն ու քաղաքական սատարումը չդադարեցվի, հակամարտությունը Սիրիայում դեռ երկար տարիներ կձգվի։

7or.am