Գերմանիայի առաջնության 17–րդ տուրի շրջանակներում այսօր Դորտմունդի «Բորուսիան» արտագնա հանդիպմանը կխաղա «Քյոլնի» հետ։

Թիմերն այս օրացուցային տարվա վերջին մրցամարտին մոտենում են տարբեր մարզավիճակներով։

Որոշակի անկումից հետո «Բորուսիան» կրկին վերելք է ապրում. վերջին 3 խաղափուլերում տոնել է 3 հաղթանակ՝ խփելով 10 գնդակ։ «Իշամեղուները» նկատելիորեն առաջ են անցել մրցակիցներից և ամրապնդվել են 2–րդ հորիզոնականում՝ հետ մնալով միայն «Բավարիայից»՝ 5 միավորով։

«Քյոլնը» գտնվում է մրցաշարային աղյուսակի միջնամասում՝ դուրս մնալու գոտուց հարմարավետ տարածության վրա։ Ավելին, «այծերը» պահպանում են հնարավորությունը՝ անցնելու եվրագավաթների գոտի, որից նրանց բաժանում է ընդամենը 5 միավոր։

Դորտմունդցիներից խաղը բաց կթողնեն Մարկո Ռոյսը, Օլիվեր Քիրխը և Սվեն Բենդերը։

Հանդիպման մեկնարկը՝ երևանյան ժամանակով 18:30–ին։

7or.am