Թուրքիայի վարչապետ Ահմեդ Դավութօղլուն հայտարարել է, որ Իրաքում թուրքական ռազմական ներկայությունը կպահպանվի մինչև «Իսլամական պետությունից» Մոսուլի ազատագրումը։ Այս մասին հաղորդում է «РИА Новости»-ն:

«Մենք աջակցություն ենք ցուցաբերում փեշմերգներին և կամավորականներին ու դա կանենք այնքան ժամանակ, մինչև չազատագրվի Մոսուլը, և քանի դեռ Իրաքում պահպանվում է ահաբեկչական սպառնալիքը: Այնտեղ գտնվող մեր զինվորականները հարգանքով են վերաբերվում Իրաքի տարածքային ամբողջականությանը», - հայտարարել է Դավութօղլուն Անկարայում:

Աղբյուրը՝ «Zham.am»