ԱՄՆ նախագահի հանրապետական թեկնածու Դոնալդ Թրամփը CNN–ի հետ հարցազրույցում հայտարարել է, որ «լավ հարաբերություններ ունի Աստծո հետ»։

Երբ լրագրողը նշել է, որ ժամանակին միլիարդատերը սկանդալի կենտրոնում է հայտնվել իր ապրած կյանքի պատճառով, որն այնան էլ բնորոշ չէր հավատացյալ մարդուն, Թրամփը հավաստիացրել է, որ այդ ամենն անցյալում է մնացել, և այժմ ինքն առաքինի կյանք է վարում, և լավ հարաբերություններ ունի ոչ միայն Աստծո, այլև իր ավետարանական ընտրողների հետ։

«Ես միանգամայն այլ կյանքով եմ ապրում, ոչ այնպիսին, ինչպիսին, հավանաբար, շատերը պատկերացնում են: Ես խոսում եմ վերջի՛ն տարիների մասին»,–ասել է Թրամփը՝ հավելելով, որ նման կյանք վարելը ներկայումս հաջողվում է իրեն։

Հիշեցենք՝ ԱՄՆ նախագահական ընտրությունները նախատեսված են ս. թ. նոյեմբերի 8-ին:

7or.am