Նախնական տվյալներով՝ Թուրքիայի խորհրդարանական ընտրություններում առաջատարը իշխող «Արդարություն և զարգացում» կուսակցությունն է։ Այս մասին հայտնում է «Reuters»–ը։

Քվեաթերթիկների 60%–ի հաշվարկի արդյունքներով՝ այդ կուսակցությունը ստացել է ձայների 43,6%–ը։ Սա Էրդողանի գլխավորած կուսակցության ամենացածր արդյունքն է վերջին 12 տարվա մեջ։

Պրոքրդական «Ազգային–դեմոկրատական» կուսակցությունը ստացել է ընտրողների 10,6%–ի աջակցությունը։

Հաջորդ երկու կուսակցությունները, որոնք ձայների նման բաշխվածության պարագայում կարող են հայտնվել խորհրդարանում, ընդդիմադիր «Ժողովրդա–հանրապետական» և «Ազգային շարժում» կուսակցություններն են։ Նրանք ստացել են քվեների համապատասխանաբար 24,5% և 17%–ը։

***

Այսպիսով, «Արդարություն և զարգացում» կուսակցությունը խորհրդարանի 550 տեղերից կստանա 256-ը: Նախորդ գումարման խորհրդարանում այս կուսակցության մանդատները 9 տոկոսով ավելի էին։

Կառավարություն ձևավորելու համար «Արդարություն և զարգացում» կուսակցությունն այլ տարբերակ չունի, քան մյուս 3 քաղաքական ուժերից որևէ մեկի հետ կոալիցիա կազմելը: Քրդամետ «Ազգային–դեմոկրատական» կուսակցության համանախագահ Սելահեթթին Դեմիրթաշն արդեն իսկ բացառել է Էրդողանի կուսակցության հետ կոալիցիա կազմելու հնարավորությունը: Քրդամետ կուսակցությունը մեջլիսում կստանա 78 մանդատ, ինչը վերջինի համակիրները հաղթանակ են համարում։

7or.am