Նիկոլ Փաշինյանը սպասարկում է Ադրբեջանի շահերը, այս մասին այսօր ԲՈՒՀ-երում իրականացվող ակցիայի ժամանակ հայտարարել է «Մայր Հայաստան» շարժման նախաձեռնող խմբի անդամ Երվանդ Բոզոյանը։

Նա նշել է, որ Իլհամ Ալիևը պահանջ է դրել Տավուշում քանդել պաշտպանական համակարգը, որից հետո պարտադրելու է Հայաստանին գնել ադրբեջանական գազը, դրանից հետո՝ վերադարձնել ադրբեջանցի փախստականներին, որից հետո Հայաստանը կդառնա հայ-ադրբեջանական պետություն և կարճ ժամանակ անց հայ ժողովրդը դուրս կմղվի այս տարածքից։

Երվանդ Բոզոյանը կոչ է արել ՀՀ բոլոր քաղաքացիներին չլռել, դիրքորոշում հայտնել և դեմ արտահայտվել տեղի ունեցող գործընթացներին։