Գյումրեցիների գնահատմամբ` մեզանում գործող քաղաքական կուսակցությունների ճնշող մեծամասնությունը օտարված է ժողովրդից, քաղաքական ուժերի և ժողովրդի միջև անջրպետ կա, նրանց վարած քաղաքականությունը չի բխում ժողովրդի պահանջներից և հետեւաբար չի համապատասխանում հասարակության ամենալայն զանգվածների շահերին։ Որչափ ժողովուրդը հիասթափված է իշխանություններից, նույնչափ էլ հիասթափված է ներկայիս քաղաքական գործիչներից։

1908թ. մարտի 8-ին Նյու-Յորքի կանանց սոցիալ-դեմոկրատական կազմակերպությունը հանրահավաք անցկացրեց կանանց իրավահավասարության պաստառներով և կարգախոսներով։ Այդ օրը մոտ 15000 կին երթով անցան գրեթե ողջ քաղաքով՝ պահանջելով աշխատանքային օրվա կրճատում, տղամարդկանց հավասար աշխատավարձ, ինչպես նաև ընտրության իրավունքի տրամադրում։ Սկսած 1975թ.-ից ՄԱԿ-ը մարտի 8-ը նշում է որպես կանանց միջազգային օր։

Հայաստանի, Ռուսաստանի և Ադրբեջանի նախագահներն ընդունել են համատեղ հայտարարություն. «1.Ամենակարճ ժամկետում ավարտել ռազմագերիների փոխանակումը: 2.Ձգտել բոլոր վիճելի հարցերը լուծել խաղաղ միջոցներով և կրակի դադարեցման գծի երկայնքով կողմերի մասնակցությամբ անցկացնել հնարավոր միջադեպերի հետաքննություն` ԵԱՀԿ Մինսկի խմբի համանախագահների հովանու ներքո և ԵԱՀԿ գործող նախագահի հատուկ ներկայացուցչի աջակցությամբ»

Սոչիում մեկնարկել է Հայաստանի Հանրապետության, Ռուսաստանի Դաշնության և Ադրբեջանի նախագահների եռակողմ հանդիպումը` նվիրված Լեռնային Ղարաբաղի հակամարտության կարգավորմանը։ Հանդիպմանը ներկա կլինեն նաև ԵԱՀԿ Մինսկի խմբի համանախագահներ Իգոր Պոպովը, Ռոբերտ Բրադկեն և Բեռնար Ֆասյեն։ Այսօրվա համդիպումը ԼՂ հիմնահարցի կարգավորման եռակողմ ձևաչափով 8-րդ-ն է։