Այսօր մամուլում տեղեկություն է տարածվել, թե Սոցիալական ապահովության պետական ծառայության պետ Վազգեն Խաչիկյանը սենսացիոն հայտարարություն է անելու Վերահսկիչ պալատի մասին։ -Մենք հո «Wikileaks» չե՞նք,-պատասխանել է նա՝ հերքելով այդ տեղեկությունը։-Բայց ի՞նչ ապացույց պետք է ունենամ ընդդեմ Վերահսկիչ պալատի։ Ի՞նչ պետք է հրապարակեմ։ Ինչի՞ պետք է այդպիսի բաներ ասեն։ Այդպիսի բան չկա, չգիտեմ՝ որտեղից են հրապարկել։

Բրիտանական «Kingfisher Publications» և ռուսական «Махаон» հրատարակչությունները հրատարակել են հանրագիտարան, որտեղ ասված է, թե Հայաստանում խոսում են հայերեն և ադրբեջաներեն, իսկ Արցախի քարտեզը ներառված է Ադրբեջանի տարածքում։ Նշվում է, թե հիմնական կրոններն են ուղղափառությունը և իսլամը շիաներ և այլն։ «Ընդդեմ հանրագիտարանային կեղծիքի» նախաձեռնության անդամները պատրաստվում են բողոքի գործողություն անցկացնել։