«Լևոնը վերջապես այդքան միամիտ չէ։ Նա վստահ էր, որ այդպես են անելու, բայց նա մոռացել է, որ սրանք «քցող են». փողոցային խաբելու, «քցելու» տարամաբանությունն է գերիշխում այս կլանում։ Ահավասիկ, բոլորդ ականատես եղաք առաջին «քցոցիին», սպասենք հաջորդներին»։

«Գերագույն խորհուրդ» պատգամավորական ակումբի նախագահ, Հայ ազգային կոնգրեսի անդամ Ռուբեն Թորոսյանը, պատասխանելով «7օր»–ի այն հարցին, թե կարելի՞ է ասել, որ իշխանությունների հետ երկխոսության ձևաչափի և հատկապես արտահերթ ընտրությունների մասին Հայ ազգային կոնգրեսի պնդումներն ի չիք եղան, ասել է. «Հա՛, իհարկե։ Պարզ չէ՞։ Դա վաղուց էր պարզ՝ խաբել են»։

«Իրավիճակը շատ նմանվում է այն պատմությանը, որ կտրիճը աղջկան փախցնում է, զրկում է նրան կուսությունից, հետո ուղարկում է տուն՝ ասելով, որ մոտակա օրերին կգան կարմիր խնձորով, կուզեն նրա ձեռքը, որպեսզի փրկեն նրա պատիվը։ Սակայն անցնում են օրեր՝ ո՛չ այդ տղան է գալիս, ո՛չ նրա ծնողները, ո՛չ ազգականները։ Դեռ մի բան էլ ավելի՝ տղայի ազգականները մեկը մյուսի հետևից մամլո ասուլիսներ են տալիս...»։

«Շախմատում, որը լուրջ խաղ է, երբեք հաղթողը պարտվողին չի ծաղրում։ Մի դեպք կա, երբ հաղթողը պարտվողին ծաղրում է՝ երբ նրան մանկական մատ է անում և ասում՝ ես այլևս քո հետ խաղալու բան չունեմ։ Այսինքն, շախմատն այլևս ավարտված համարենք։ Եվ այս ծաղրով, որ սկսվեց Հայ ազգային կոնգրեսի նկատմամբ, իշխանությունը վայելում է իր հաղթանակը, որից հետո ինչ էլ կատարվի մեր երկրում, այլևս ժողովուրդը, որին ասել են՝ մե՛նք թույլ չենք տալիս հեղափոխություն անել, չի վստահի այն լիդերին, որը կարող է այդպիսի վիճակի մեջ հայտնվել»։

«Ինչ վերաբերում է պատվիրակություն ձևավորելու և արտահերթ ընտրությունների շուրջ բանակցելու առաջարկին, ապա այստեղ թե՛ առաջարկվող ձևաչափը, թե՛ դրվող հարցը, մեծ հաշվով, ուղղակի ինքնանպատակ են և, ինչպես դժվար չէր կռահել, անընդունելի։ Իսկ «պատվիրակությունների բանակցություններ» արտահայտությունն այնպես գունազարդված է ներկայացվում, կարծես խոսքը վերաբերում է միջպետական բանակցություններին»։

ՀՀԿ խմբակցության ղեկավարն ընդգծել էր, որ եթե ՀԱԿ անդամները ցանկանում են արտահերթ ընտրությունների վերաբերյալ անձամբ Սերժ Սարգսյանի պատասխանն իմանալ, ապա թող հանդիպեն միմյանց ու այդ ժամանակ կստանան նրա պատասխանը։ «Պատրաստվո՞ւմ է ՀԱԿ–ը դիմել Սերժ Սարգսյանին հանդիպման խնդրանքով»,–Հ. Հովհաննիսյանից հետաքրքրվել է «7օր»–ի թղթակիցը...

«Ինձ համար շատ հստակ է, որ ՀԱԿ–ի բանակցությունները չպետք է ներկայացնել որպես ամբողջ հասարակության բանակցություններ իշխանության հետ, որովհետև հասարակության մի հսկայական զանգված ՀԱԿ–ի կողմնակիցը չէ։ Հայ ժողովրդի մեծ մասն ընդհանրապես ոչ ոքի ձայն չի տվել»։

«Բոլորն էլ՝ բոլոր երեխաները, մանկապարտեզի, դպրոցական տարիներից տուն–տունիկ են խաղում, նոր են ընտանքի կազմում։ Էս մարդիկ հիմա դեռ տուն–տունիկ խաղալու վիճակում են։ Մենք այդ խաղը չենք ուզում խաղալ, մասնակից դառնալ»։

«7օր»–ի դիտարկմանը, որ իշխանության բարձրաստիճան ներկայացուցիչները պնդել են, որ բացառվում է՝ ՀԱԿ–ի հետ երկխոսեն արտահերթ ընտրությունների շուրջ, ՍԴՀԿ ատենապետն արձագանքել է. «Սերժ Սարգսյանը նման բան չի ասել։ Իսկ մյուսների դեպքում շատ բնական է...»։ ՀՀԿ–ական Ռաֆիկ Պետրոսյանը, սակայն, բացառել է արտահերթ ընտրությունների շուրջ բանակցելը. «Բացառված է։ Դրա մասին խոսելն ավելորդ է»։ Նա նաև բացառել է, որ արտահերթ ընտրությունների շուրջ պայմանավորվածություն ձեռք բերված լինի, իսկ հանրապետականները դրանից տեղյակ չլինեն։

Եթե արտահերթ ընտրություններ չլինեն, Հայ ազգային կոնգրեսը կմասնակցի՞ հերթական ընտրություններին։ Այսօր «Հայելի» ակումբում հրավիրված ասուլիսում լրագրողներն այս հարցն են հղել «Հայկական ժամանակ» օրաթերթի գլխավոր խմբագիր Նիկոլ Փաշինյանին։

–Յուրաքանչյուր գործընթաց և աշխատանք գնահատելիս և ներկայացնելիս նախ և առաջ պիտի քո կատարած աշխատանքի մասնաբաժինը նշես և հետո նոր անդրադառնաս այն ժառանգությանը, որը ստացել ես։ Ավելի ճիշտ կլիներ, որ նշվեին այն օբյեկտիվ պատճառներն ու գնահատականները, որոնք առկա են եղել գործադիրի ժամանակ,–ընդգծել է Ա. Դավթյանը։

Վարդգես Գասպարին այժմ էլ «Facebook» սոցիալական ցանցի «Պայքար, պայքար, մինչև վերջ» էջում է գրել, թե հանցաշխարհի ներկայացուցիչ Արա Հովհանիսյանը ՀԱԿ- ում տեղ և անելիք չունի։ «Նա բազմիցս հայտարարել է. «Ինչ քաղբանտարկյալ, ես գողական եմ»: Նրա ծնողը Ազատություն ռ/կ-ով հայտարարել է. «Սերժը, թե Լևոնը, ինձ համար մեկ են. թող տան իմ էրեխին, էս երկրից գնամ»: Տվեցին էրեխիդ, թող ՀԱԿ-ից հեռացի՛ր: Ո՞վ է շահագրգռված հանցաշխարհի ներկայացուցչին ՀԱԿ շարքերում պահել»,–գրել է Գասպարին։

««BBC»–ին տված հարցազրույցում նա նորից հիշեցրեց իր մասին` հասկանալով, որ արևմուտքի ու դրսի համար ինքն այդ իմաստով պետք է նորից երևա որպես ձեռնտու քաղաքական գործիչ` մարդ, ով պատրաստ է էժան գնով վաճառել Ղարաբաղը»։

Հ. Սահակյան. «Եթե նրանց պահանջը միայն արտահերթ խորհրդարանական և նախագահական ընտրություններն են, ես չեմ կարծում, որ դա կառուցողական դաշտից է։ Սակայն ես Լևոն Տեր–Պետրոսյանի ելույթը լսելով հասկացա, որ կան միջանկյալ խնդիրներ և քայլեր, որոնց շուրջ ՀԱԿ–ն ու Լևոն Տեր–Պետրոսյանը փորձում են ավելի պարզ և առարկայական խոսել։ Եթե լինեն իսկապես առողջ, կառուցողական առաջարկներ, իշխանությունը մշտապես ասել է, որ պատրաստ է երկխոսել»։

«Լևոն Տեր–Պետրոսյանը կարող է լավագույն դեպքում փորձել հին մարզիկների նման անել՝ դուրս են գալիս, հետո նորից վերադառնում են սպորտ, բայց իրենց նախորդ ցուցանիշը երբեք չի կրկնվում»։

«Ժառանգություն» խմբակցության պատգամավոր Արմեն Մարտիրոսյանն, անդրադառնալով ՀԱԿ–ի այն պնդումներին, թե իրենք իշխանությունների հետ երկխոսելու են միայն արտահերթ ընտրությունների շուրջ, «7օր»-ին ասել է. «Քանի որ քաղաքականության մեջ և հատկապես Հայաստանում ընդհանարպես ասվում է մի բան, արվում է մի բան, մտածում են լրիվ երրորդը, արդեն ընտրողն ինքը պետք է մտածի, խորհի, թե ով երբ ինչ է ասել և ինչ է արել»։

–Համաներումն արեցին, և ուղղակի առնչվեց մարտի 1–2–ի իրադարձությունների հետ, և մենք ասացինք, որ կիսատ–պռատ այս ձևով համաներում անելը սխալ է։ Եթե մենք ասում ենք, որ պետք է համաներվեն բոլոր նրանք, ովքեր մարտի 1–2–ի հետ առնչված են, ուրեմն բոլորն էլ պետք է իսկապես համաներվեին։

«Նոր ժամանակներ» կուսակցության նախագահը, անդրադառնալով ՀԱԿ–իշխանություն երկխոսությանը, նշել է, թե այն երկխոսություն է, որտեղ կողմերը միմյանց չեն լսում, այսինքն՝ մի կողմն ասում է, որ անպայման արտահերթ ընտրություններ են լինելու, մյուս կողմից բացառվում է արտահերթ ընտրությունների անցկացման հնարավորությունը, ու հավելել է, թե այս իրավիճակով գնալու ենք մինչև աշուն, և երկու կողմի հռետորաբանությունը դառնալու է ավելի զգայուն։