Ստամբուլի ոստիկանությունը ձերբակալել է Թուրքիայի շոու բիզնեսի մի շարք հայտնի դեմքերի։ Նրանց թվում են «Միսս Թուրքիա-2011»-ի երկրորդ տեղը զբաղեցրած Գիզեմ Քարաջան, ճանաչված երգիչ Ջենք Էրենը, դերասաններ Չաղաթայ Ուլուսոն, Ջեմալ Ունալը։ Ընդհանուր առմամբ, ձերբակալվածների թիվը հասնում է 30-ի:Ըստ թուրքական լրատվամիջոցների՝ ոստիկանությունը, թմրավաճառից ստացված տեղեկությունների հիման վրա, սկսել է հետևել հայտնի երգիչների և դերասանների։

Ադրբեջանի Իսմայիլլի քաղաքում զանգվածային անկարգությունները շարունակվում են։ Ոստիկաններն արդեն բերման են ենթարկել տեղի 60 բնակչի, իսկ մի քանի ոստիկան բորբոքված ամբոխի հետ բախումից վնասվածքներ են ստացել։ Պարբերաբար լսվում են կրակոցների ձայներ։ Հատուկջոկատայինները շուրջօրյա հսկողություն են իրականացնում: Ներքին զորքերը մարտական պտրաստականության են բերվել։ Փակվել են պարենային խանութները և բնակիչները զրկվել են առաջին անհրաժեշտության մթերքներ գնելու հնարավորությունից։

Ինչպես հայտնի է, Վրաստանի նախագահ Միխայիլ Սահակաշվիլիի վարչակազմը ՀՀ ԱԺ ՀՀԿ–ական պատգամավոր, «Ջավախք» հայրենակցական միության նախագահ Շիրակ Թորոսյանին «persona non grata» էր հայտարարել, և նրան արգելվում էր մուտք գործել Վրաստանի տարածք՝ այդ թվում և հայրենի Ջավախք։ Հայաստանի իշխանությունները որևէ կերպ չմիջամտեցին այդ խնդրին։

Դավոսում՝ Համաշխարհային տնտեսական համաժողովի շրջանակներում, հանդիպել են Ադրբեջանի նախագահ Իլհամ Ալիևը և Թուրքիայի արտգործնախարար Ահմեթ Դավութօղլուն: Նրանք գոհունակություն են հայտնել բոլոր ոլորտներում երկկողմանի հարաբերությունների զարգացումից և վստահություն հայտնել, որ դրանք ապագայում նույնպես զարգանալու են: Կողմերը քննարկել են նաև ղարաբաղյան հակամարտության կարգավորման հարցը:

Զենքի առևտրի վերլուծության միջազգային կենտրոնը պարզել է, որ 2012թ. աշխարհում ամենաշատ սպառազինություն ներկրել են Հնդկաստանը, Իրանը, Օմանը, Ավստրալիան, Սաուդյան Արաբիան, Թայվանը, Ալժիրը, Չինաստանը, Իսրայելը և Ինդոնեզիան: Այս երկրներին հաջորդում են Անգլիան, Իտալիան, Ճապոնիան, Նորվեգիան, ԱՄԷ-ն, ԱՄՆ-ը, Կանադան, Դանիան և Աֆղանստանը: Ինչպես նշվում է կենտրոնի զեկույցում, սպառազինության ներկրման քանակի առումով Ադրբեջանը աշխարհում 18-րդ երկիրն է:

«Հոկտեմբերի 1-ին Վրաստանում կայացած խորհրդարանական ընտրություններից հետո ստեղծվել է բացառիկ հնարավորություն՝ Կովկասում լարվածությունը էապես թուլացնելու, պետությունների միջև նոր որակի հարաբերությունների ձևավորման և առկա խնդիրները խաղաղ, կառուցողական ճանապարհով լուծելու համար: Ռուսաստանի, Աբխազիայի, Վրաստանի, Հայաստանի միջև երկաթուղային հաղորդակցության վերականգնումը կլինի այդ ուղղութամբ կատարված ամենակարևոր քայլերից մեկը»։

Լրագրողների հետ զրույցում իր այս քայլը նա պատճառաբանել է Վրաստանի արտաքին քաղաքականության մասին Հայաստանում Իվանիշվիլիի արած հայտարարություններով և, ընդհանրապես, Վրաստանի վարած արտաքին քաղաքական գծի և ոճի հետ համամիտ չլինելով։ Վաշակիձեն նշել է, որ այժմ մտադիր է հանգստանալ, հետո նոր որոշում կայացնել իր հետագա աշխատանքի մասին։

Իսրայելն Ադրբեջանում իջեցրել է իր անօդաչու սարքերը, այն բանից հետո, երբ Իրանը որսացել է ամերիկյան PG 150 թռչող սարքերը։ Vesti.Az-ի հաղորդմամբ՝ իսրայելական անօդաչու սարքերը՝ այդ թվում Hermes 450-ը, դադարեցրել են թռիչքները այն բանից հետո, երբ Ադրբեջանի պաշտպանության նախարարության փորձագետը մտավախություն է հայտնել, թե դրանք կարող են բռնագրավվել Իրանի կողմից։

–Ինձ բազմիցս քննադատել են հայոց պատմության, մշակույթի և հայ ազգի նկատմամբ տածած իմ սիրո համար։ Ինձ անգամ մեղադրում էին հայ լինելու, բայց այդ հանգամանքը թաքցնելու մեջ,-հայտարարել է Սահակաշվիլին: Նա նաև ակնարկել է, որ թեև հայ հարևանները նախընտրել են այլ դաշինք, ինչը, իհարկե, նրանց իրավունքն է, Վրաստանը շարունակում է հավատարիմ մնալ ՆԱՏՕ-ին:

Դավիթ Մկրտչյան. «Առաջացել է պարադոքսալ իրավիճակ: Վրաստանի ներկայիս իշխանություններն ավելի շահագռգռված վրացահայության խնդիրների լուծմամբ, քան թե Հայաստանի ներկայիս նժդեհական համարվող ղեկավարությունը»։

Ծնունդով ջավախքցի ՀՀ ԱԺ պատգամավոր, Ջավախք» հայրենակցական միության նախագահ Շիրակ Թորոսյանը վստահ է, որ Վրաստանի խորհրդարանական ընտրություններում «Վրացական երազանք» կոալիցիայի հաղթանակից հետո հայ-վրացական նոր մակարդակի հարաբերություններ կառուցելու իրական հնարավորություն է ստեղծվել:

«Ադրբեջանը շարունակում է մեծացնել իր ռազմական կարողությունները, ինչն արդեն անդրադառնում է այդ պետության արտաքին քաղաքականության վրա։ Համաձայն 2012թ. ռազմականացման գլոբալ ցուցիչի(GMI)՝ Ադրբեջանը մոլորակի ամենառազմականացված պետություններից է։ Վարկանիշային ցուցակը կազմվում է Բոնի միջազգային ինստիտուտի կողմից՝ 149 պետություններից ստացված տվյալների հիման վար։ Այդ ցուցակում Ադրբեջանը 8-րդ տեղում է՝ զինված ուժերի վրա ծախսելով ՀՆԱ-ի 5,7%–ը (համեմատության համար՝ ԱՄՆ-ը ծախսում է 4,7%-ը, իսկ Ռուսաստանը՝ 3,02%)»։

Սյունիքի մարզի մարզպետ Սուրիկ Խաչատրյանն ու Իրանի Արևելյան Ադրբեջանի գավառի կառավարիչը Թավրիզում ստորագրել են երկկողմ տնտեսական հարաբերությունները զարգացնելու մասին համաձայնագիր։ Ըստ դրա` Հայաստանի մարզն ու Իրանի գավառը խթանելու են անասնաբուծության և անասնաբուժության բնագավառում համագործակցությունը, ինչպես նաև հիմնելու են գյուղատնտեսական համատեղ ընկերություններ։ Իրանը Հայաստանին է տրամադրելու կոմբայններ, տրակտորներ և պարարտանյութեր։

Շահան Գանտահարյան. «Հայաստանի Հանրապետության համար տնտեսական նոր հեռանկարներ բացող այս ուղու հարթումը բանակցությունների առարկա է: Թբիլիսին, ըստ այս հայտարարության իր համաձայնությունը տվել է եւ ակնկալում է, որ Մոսկվան վերջնականացնի ծրագիրը: Իսկ նման ուղու հարթումը խորքում Երեւանի համար կարժեզրկի Թուրքիայի հետ սահմանի գինը»։

«Այժմ նման երկաթգծի անհրաժեշտություն չկա։ Վրաստանն այլընտրանքային ելք ունի դեպի Եվրոպա՝ Ախալքալաք-Կարս երկաթգծով, և այդ երկաթուղին մրցունակ է հենց Ռուսաստանի համար»,–ասել է Սահակաշվիլին:

Խոսելով Ադրբեջանի նախագահ Իլհամ Ալիևի հետ ունեցած իր հանդիպումից, Վրաստանի վարչապետը հայտնել է, որ իրենք անդրադարձել են ԼՂ–ի խնդրի կարգավորմանը և այդ հարցում Ալիևի դիրքորոշումն ինքը փոխանցել է Տիգրան Սարգսյանին։ Իվանիշվիլիին բարկացրել է «Ռուսթավի-2» հեռուստաընկերության թղթակցի հարցը Վրաստանի ԱԳ նախարարի հայտարարության վերաբերյալ: Նա ընդգծել է, որ այդ մասին անհրաժեշտ պարզաբանումն արդեն տրված է, և նախարարի խոսքն աղավաղել են լրատվամիջոցները։

Թուրքիայի վարչապետ Ռեջեփ Էրդողանը հայտարարել է, որ Թուրքիայի ռազմաօդային ուժերը շարունակելու են ռմբակոծել Իրաքի տարածքում տեղակայված Քրդստանի աշխատավորական կուսակցության ճամբարները։ Ըստ zman.com-ի՝ այս հայտարարությունն արվել է այն բանից հետո, երբ նախօրեին թուրքական օդուժը հարվածել է քրդական ճամբարներին։ Զոհերի վերաբերյալ առայժմ տեղեկություններ չկան։

Վրաստանի դատախազությունը մի շարք քաղաքական գործիչների մեղադրել է շանտաժի նպատակով գաղտնի նկարահանումներ կազմակերպելու համար, որտեղ հրապարակային գործիչներին իրենց սեռի անձանց հետ են հարաբերվում։ Նոր հետաքննությունը նախագահ Միխայիլ Սահակաշվիլիի թիմակիցների դեմ առաջադրված տարբեր մեղադրանքների շարունակությունն է։ Ընդ որում, նրանց մեծ մասը նախկին կառավարության անդամներ են։