ՀԱԿ կուսակցությունում և խմբակցությունում ընտրությունների մասնակցության, թեկնածություն առաջադրել-չառաջադրելու, մեկ ուրիշի առաջադրած թեկնածությունը պաշտպանելու հարց չի քննարկվել: Ինչպես հայտնում է a1plus.am–ը, ԱԺ-ում այսպես է պատասխանել ՀԱԿ պատգամավոր Գագիկ Ջհանգիրյանը՝ լրագրողների այն հարցին, թե արդյոք ստացե՞լ է առաջարկ՝ լինել հաջորդ օմբուդսմենը:

«Կգա ժամանակը, քննարկումներ կլինեն, դուք էլ դրա մասին կիմանաք: Եթե առաջարկ լինի, մենք կքննարկենք: Գուցե մենք այլ թեկնածու կառաջադրենք, եթե ցանկանանք մասնակցել այդ ընտրություններին»,- հստակեցրել է Գագիկ Ջհանգիրյանը:

Նա հրաժարվել է մեկնաբանել հրաժարական ներկայացրած օմբուդսմեն Կարեն Անդրեասյանի բացատրությունները. «Հարցրեք իրենից, թող ինքն էլ հրաժարականի դիմումի մասին մեկնաբանի»:

Արդյոք Ջհանգիրյանն իրեն տեսնո՞ւմ է օմբուդսմենի պաշտոնում՝ հստակեցնող հարցին, նա պատասխանել է. «Ես ինձ նույնիսկ երբեք չէի պատկերացրել ԱԺ պատգամավորի պաշտոնում, բայց տեսեք՝ ես արդեն ԱԺ պատգամավոր եմ: Էլի տարբեր դերերում չեմ պատկերացրել, բայց կյանքը պարտադրել է»:

Մանրամասները՝ a1plus.am–ում։