Այսօր Ռուսաստանի ուղղափառ եկեղեցու առաջնորդ, պատրիարք Կիրիլը կմեկնի Կուբա, որտեղ փետրվարի 12–ին առաջին անգամ կհանդիպի Հռոմի պապ Ֆրանցիսկոսի հետ։ «Վեստիի» փոխանցմամբ՝ մայրաքաղաք Հավանայի միջազգային օդանավակայանում հոգևոր հայրերը կշփվեն մոտ 3 ժամ։ Հանդիպումից հետ պոնտիֆիկոսն ու ռուս պատրիարքը կփոխանակվեն նվերներով։

Կաթոլիկ եկեղեցու առաջնորդի ու պատրիարք Կիրիլի հանդիպման հիմնական թեման է լինելու քրիստոնյաների հետապնդումը Մերձավոր Արևելքում։

Աղբյուրի տեղեկացմամբ՝ ռուս պատրիարքը կլինի նաև Բրազիլիայում ու Պարագվայում։

Նշվում է, որ պատմական այս հանդիպման կազմակերպումը երկու եկեղեցիների օրակարգում է եղել շուրջ 20 տարի։ Ինչպես գրում է «Интерфакс»–ը, ինքը Ֆրանցիսկոսը խոստովանել է, որ կայանալիք հանդիպումը նախապատրաստվել է 2 տարի՝ գաղտնիության պայմաններում։

Կուբայի ԱԳ նախարարության կայքում հաղորդվում է, որ պատրիարք Կիրիլը կհանդիպի նաև Կուբայի նախագահ Ռաուլ Կաստրոյի հետ:

7or.am