Նորք Մարաշ վարչական շրջանում հայտնաբված զինված խմբի գործով կալանքի տակ գտնվող ազատամարտիկ Աղասի Մարտիրոսյանը արդեն 2 օր է անժամկետ հացադուլ է հայտարարել:

Այս մասին «Tert.am»-ը տեղեկացավ նրա փաստաբան Լիանա Բալյանից: Վերջինս նշեց, որ ազատամարտիկը իրեն առաջադրված մեղադրանքը չի ընդունում և հրաժարվում է ցուցմունք տալ:

«Նրան անօրինական են պահում կալանքի տակ և անօրինական են երկրորդ անգամ կալանքի ժամկետը երկարաձգում: Նշեմ, որ մենք բողոքարկել ենք կալանքի մասին առաջին որոշումը մինչև անգամ Վճռաբեկ դատարանում, սակայն մինչ օրս պատասխան չունենք»,-ասաց նա:

Նշենք, որ կալանքը որպես խափանման միջոց երկրորդ անգամ երկարաձգվել է փետրվարի 5-ից: Աղասի Մարտիրոսյանը գտնվում է «Նուբարաշեն» քրեակատարողական հիմնարկի 007 խցում, որը, ինչպես նշեց փաստաբանը, «նախատեսված է քաղաքական բանտարկյալների համար»:

Աղբյուրը՝ «Tert.am»