Նախօրեին 115 ձայնով ՖԻՖԱ–ի նախագահ ընտրված Ջանի Ինֆանտինոն մամուլի ասուլիսում խոստովանել է, որ կցանկանար երկրորդ ժամկետում էլ մնալ այդ պաշտոնում։

«Ճգնաժամի փուլը հետևում է։ Սկսվում է ֆուտբոլի ռեֆորմացիայի փուլը։ Ես ուզում եմ մինչև 2020թ. մեծ առաջընթաց տեսնել ֆուտբոլում բոլոր երկրներում, կոնկրետ միջոցներ, որոնք կձեռնարկեն ՖԻՖԱ–ն և ազգային ֆեդերացիաները։ Կզարգացնենք մանկական ֆուտբոլը։ Մենք այնպես կանենք, որ երեխաները ժպտան, իսկ ֆուտբոլ խաղալը լինի նրանց երջանկացնելու միջոցներից մեկը»,–ասել է նորընտիր նախագահը։

Ինֆանտինոն խոստացել էր, որ ընտրվելու դեպքում կրկնակի ավելի կվճարի յուրաքանչյուր ֆեդերացիայի։ Սակայն ներկայումս ՖԻՖԱ–ում ֆինանսական դրությունը դեռևս բարդ է։

7or.am