Քաղաքական

27.02.2016 20:30


20-ից ավելի ադրբեջանցի սպիտակ դրոշներով փորձել է հայկական կողմ անցնել

20-ից ավելի ադրբեջանցի սպիտակ դրոշներով փորձել է հայկական կողմ անցնել

Ադրբեջանի Գաբալայի շրջանի Քյոթուքլու շրջանի շուրջ 25 բնակիչ փետրվարի 27-ին փորձել է անցնել Լեռնային Ղարաբաղի Հանրապետություն՝ Աղդամի ուղղությամբ։ Այս մասին տեղեկացնում է «panarmenian.net»-ը։

Ինչպես հայտնում է ադրբեջանական «Minval.az» պարբերականը, բնակիչները փորձել են անցնել հայկական կողմ գիշերով՝ սպիտակ դրոշներով, սակայն այն պահին, երբ նրանք փորձել են լքել Ադրբեջանի տարածքը, նրանց են շրջապատել ադրբեջանցի ուժայինները:

Գյուղացիներից մեկը, խոսելով քայլի դրդապատճառների մասին, նշել է, որ մարդիկ ճնշված են բարձրաստիճան պաշտոնյաների կողմից. Նաբիևների ընտանիքը (տեղի էլցանցի Բաքվի մասնաճյուղի տնօրեն Ղարա Նաբիևը, հարկերի նախարարի խորհրդական Մյուսավար Նաբիևն ու գյուղապետ Իքրամ Նաբիևը), գյուղացու խոսքերով, զբաղվում է անմեղ մարդկանց տներ ու մեքենաներ թմրանյութեր գցելով, ինչից հետո գյուղացիները ձերբակալվում են:

Աղբյուրը՝ «panarmenian.net»

Այս խորագրի վերջին նյութերը