-Սերժ Սարգսյանի ելույթն ավելի շատ ուղղված էր դահլիճում նստած ընկերներին, ինչը շատ նման էր կոմունիստական կուսակցության վերջին համագումարին, որը 1986թ. փետրվարին էր և նման էր նաև ՀՀՇ վերջին համագումարին։ Այն ժամանակ ազգովին ՀՀՇ-անում էին, իսկ հիմա բոլորը հանրապետականանում են,-այսպիսի կարծիք է հայտնել Հայաստանի լիբերալ կուսակցության նախագահ Հովհաննես Հովհաննիսյանը։

Հ. Հովհաննիսյանն ասել է՝ եթե ինքը լիներ, ՀՀԿ համագումարում վարչապետին անվստահություն կհայտներ։

Հակադարձելով ՀԱԿ ներկայացուցչին՝ ՀՀԿ-ական պատգամավոր Մկրտիչ Մինասյանն ասել է, թե ինքը Հ. Հովհաննիսյանի ոչ մի ասածի հետ համամիտ չէ։

-Բոլորովին այն կարծիքին չեմ, թե համատարած հանրապետականացում է տիրում Հայաստանում։ Մարդը (վարչապետը-«7or») ցանկություն է հայտնել դառնալ ՀՀԿ-ական, և դարձել է։ Այս երկու տարվա ընթացքում նա կատարել է ՀՀ նախագահի և ՀՀԿ-ի ու կոալիցիոն գործընկերության ծրագրերը։ Հիմա էլ նախատեսել է, որ պետք է դառնա քաղաքական թիմի անդամ ու դարձել է։ Ի՞նչ մի արտառոց բան կա։

-Եթե ասում եք, որ վարչապետը կատարել է նախագահի ծրագրերը, ուրեմն նախագահը վատ ծրագրեր է հանձնարարել,-շարունակել է Հ. Հովհաննիսյանը։

7or.am