Բանակցություններ են գնում իրանական գազը Հայաստանով Վրաստան տեղափոխելու ուղղությամբ։ Այս մասին այսօր լրագրողների հետ հանդիպմանն ասել է ԱԺ ՀՀԿ խմբակցության պատգամավոր Վարդան Այվազյանը։

«Վրաստանը հարց է բարձրացրել, որպեսզի Իրանից գազ գնի։ Հիմա այդ գազը իրա ոտքով չի գնում և երկու ճանապարհ ունի՝ մեկը՝ Հայաստանով, մյուսը՝ Ադրբեջանով։ Ինչո՞ւ է հենց Հայաստանը ռեալը, որովհետև գազամուղը Հայաստանից դեպի Վրաստան կա»,– նշել է պատգամավորը։

Ի պատասխան լրագրողի դիտարկմանը՝ եթե գազամուղը պատկանում է «Գազպրոմին», և պետությունը որևէ լիազորություն չունի այդ գազամուղի նկատմամբ, ինչպես են այդ հնարավորությունից օգտվելու, Վարդան Այվազյանը նկատել է, որ ՀՀ-ում գտնվող ցանկացած ապրանք, անկախ սեփականության ձևից, այդ երկրինն է.

«Որևէ մեկը այդ սեփականության պետական նշանակության օգտագործման համար քեզ չի կարող պայման թելադրել»։

7or.am