ՀՀ քաղաքագետների միության նախագահ Հմայակ Հովհաննիսյանը լրագրողների հետ հանիպման ժամանակ ասել է, թե թիվ 10 ընտրատարածքի ընտրողները ստանձնելու  են երդվյալ ատենակալների դերակատարություն։

-Այնտեղ չեն պարզելու՝ ով է  գաղափարներով ավելի լավը՝ Հմայակ Հովհաննիսյա՞նը, Նիկոլ Փաշինյա՞նը, մարքսիստ Դավիթ Հակոբյա՞նը, թե՞ Ազգային միաբանության թեկնածուն։ Թիվ 10 ընտրատարածքի ընտրողը տալու է վերդիկտը. համարո՞ւմ է մեղավոր, թե՞ չի համարում, որովհետև դատավարություն է ընթանում։ Ես գտնում եմ, որ պետք  է մնան Նիկոլ Փաշինյանը և Ազգային միաբանության  թեկնածուն, որովհետև մարտի 1-ի հետ կապված՝ նրանք ճիշտ հակառակ տեսակետն ունեն։ Սա շարքային ընտրություն չէ,-ասել է նա։

«7օր»-ի այն հարցին, թե ո՞վ է հաղթելու այդ ընտրություններում, Հմայակ Հովհաննիսյանը պատասխանել է հետևյալ կերպ. «Այն բանից հետո, երբ ես Նիկոլ Փաշինյանի օգտին կհանեմ  իմ թեկնածությունը, իսկ ես դա անելու  եմ, ապա այդ դեպքում նրա հաղթանակը դառնում է 100 %-անոց»։

7or.am