Այսօր՝ ՀՀ նախկին վարչապետ Անդրանիկ Մարգարյանի մահվան տարելիցի օրը, Կոմիտասի անվան պանթեոնում Սերժ Սարգսյանը բարձրաստիճան մի շարք պաշտոնյաների հետ հարգանքի տուրք է մատուցել նրա հիշատակին։

«Aravot.am»–ի փոխանցմամբ՝ պանթեոնում այդ արարողությունն առանց միջադեպի չի անցել։ Երբ Սարգսյանը Մարգարյանի շիրմին ծաղիկներ դնելուց հետո պաշտոնյաների հետ պատրաստվում էր հեռանալ, մի տարեց քաղաքացի է մոտեցել ու սկսել բղավել.

«Պարո՛ն նախագահ, մինչեւ ե՞րբ պիտի սենց մեր իրավունքները ոտնահարվի, հը՞: Ինչի՞ մեր երկրին տեր չեք կանգնում: Սա ի՞նչ վիճակ ա, սա ի՞նչ բան ա, հը՞»:

Սարգսյանն առանց արձագանքելու արագացրել է քայլերը, իսկ նրա թիկնապահներից մեկը բռնել է քաղաքացու թևն ու հեռացրել։

Տեսանյութը՝ «Aravot.am»–ի