Ուկրաինայի պատգամավոր Յուլյա Տիմոշենկոն հայտարարել է, որ Ուկրաինան ու Ռուսաստանը պայմանավորվել են ուկրաինական կողմին հանձնել ուկրաինուհի օդաչու Նադեժդա Սավչենկոյին, ով 22 տարվա ազատազրկման է դատապարտվել 2014 թվականին Լուգանսկում ռուս 2 լրագրողների սպանության և ՌԴ սահմանն ապօրինի հատելու մեղադրանքներով։

«Մեր տեղեկություններով՝ կա որոշում, որ Ուկրաինայում իր պատիժը կրելու համար նա փոխանցվելու է կամ փոխանակման տարբերակով, կամ էլ համաձայն միջազգային օրենքների: Կան մեծ հնարավորություններ», - հայտարարել է Տիմոշենկոն՝ հավելելով, որ «Գերմանիայի կանցլեր Անգելա Մերկելը և ԱՄՆ նախագահ Բարաք Օբաման համոզել են Վլադիմիր Պուտինին վերադարձնել Նադյային»:

7or.am