Դեկտեմբերի 12-ին Գերմանիայի Քյոլն քաղաքում կազմակերպվելու է  «Եվրոպայի Հայերի Համագումարի» ընդհանուր ժողովը:

2003 թ.-ին հիմնադրված «Եվրոպայի Հայերի Համագումարը», նույնպես հաստատել է, որ միջազգայնորեն հիմնավորված ինքնորոշման իրավունքը հիմք ունենալով, շարունակելու է իր ջանքերը կենտրոնացնել Արցախի իրավունքների ճանաչման գծով, զուգահեռ պայքարելով Հայոց Ցեղասպանության միջազգայնորեն ճանաչման ուղղությամբ: ԵՀՀ-ի հայտարարությունը մասնավորապես վերահաստատել է Հայաստանում «ժողովրդավարության և մարդու իրավունքների և ազատությունների» ամրագրման գործընթացին օժանդակելու իր հանձնարարությունը:

Վերջին մեկ տարվա ընթացքում ԵՀՀ-ի  նախաձեռնող խումբը, իր գործունեությունը վերաշխուժացնելու մասին տեղեկացնելով, ծրագրային եւ կազմակերպչական ոլորտներում ջանքեր է ի գործ դրել նպաստելու Եվրոպայի հայ համայնքների գործունեությունը կազմակերպելու ուղությամբ: