Այսօր «18 հայ զինծառայողների մարմինները վերադարձվել են խոշտանգված. հանրային և պետական արձագանք» թեմայով հրավիրված քննարկման ժամանակ ՀՀ ԱԺ պատգամավոր, Մարդու իրավունքների պաշտպանության և հանրային հարցերի մշտական հանձնաժողովի նախագահ Էլինար Վարդանյանն նշել է, որ մենք ունենք ՄԱԿ-ի, ինչպես նաև տարբեր շրջանակների հանձնաժողովներին և տրիբունալներին դիմելու հնարավորություն:

Ի պատասխան հարցին՝ որքանով է թույլատրելի, որ որոշ լրատվամիջոցներ մանրամասն ներկայացրել են՝ ինչպես են խոշտանգվել զինծառայողներն ու քաղաքացիական անձինք, Էլինար Վարդանյանը նկատել է, որ դա մարդասիրական սկզբունքների կոպիտ խախտում է.

-Լրատվամիջոցները շատ զգույշ պետք է լինեն: Երկու կարևոր գործոն կա՝ առաջինը, որ Ժնևի կոնվենցիայի խախտում է, և երկրորդ՝ տեղեկատվություն է հրապարկվում մարդկանց մասին, որոնց ծնողներն ու հարզատները, այսպես թե այնպես, հետևում են և՛ կայքերին, և՛ լրատվամիջոցներին։

7or.am