«Դե ֆակտո» ակումբում աթենքյան հայտարարությանն անդրադառնալով՝ Ռիչարդ Կիրակոսյանն ասել է, որ գուցե բառերով դա ինչ-որ նոր բան էր, սակայն նշանակությամբ որևէ հիշարժան բան չէ։

-Անկեղծ ասած՝ մեզանից ոչ ոք Նալբանդյանի հետ սենյակում չէր. գուցե նա մի բան գիտի, որ մենք չգիտենք։ Երկու կողմերի միջև միակ բանավոր համաձայնությունը յուրաքանչյուր հանդիպման համար հետևյալն է՝ մենք պատրաստվում ենք թե՞յ խմել, թե՞ սուրճ։ Նա նշել է, որ Մինսկի խումբը ցանկանում է առաջընթացի մթնոլորտ ստեղծել, սակայն իրականում դա շատ քիչ բան է նշանակում։ Նույնիսկ Աթենքի հայտարարությունը ջանք է՝ ցույց տալու, որ իրենք առաջընթաց են փորձում գտնել, սակայն իրականում առաջընթաց չկա. դա Թուրքիային առաջ դրդելու քայլ է։

Այս առումով նա նշել է, որ ընդհանրապես դիվանագիտությունն իմիտացիա է, սակայն այդ հանդիպումները դրական են, քանի որ երկխոսությունը կարևոր բան է։

7or.am