Մեկնաբանելով Ադրբեջանի նախագահի կողմից Հայաստանի և Արցախի վերաբերյալ վերջերս հնչեցրած տարածքային պահանջները' ՀՀ ԱԳ փոխնախարար Շավարշ Քոչարյանը նշել է.

-Այն փաստը, որ Ադրբեջան հանրապետությունը, ինչպես նաև Ադրբեջան անվանումն առաջին անգամ քարտեզի վրա հայտնվել է 1918թ., չի արդարացնում տարածաշրջանի պատմության անիրազեկությունը և ներկայացրած ծիծաղաշարժ պահանջները Հայաստանի Հանրապետության ու Լեռնային Ղարաբաղի Հանրապետության վերաբերյալ։ Եթե մարդուն պարգևատրեին պատմությունը և միջազգային իրավունքը կեղծելու գործում ունեցած կարկառուն նվաճումների համար, ապա Ադրբեջանի նախագահն իրեն հավասար մրցակից չէր ունենա։