«Ես պարտավոր եմ իմ լուման ներդնել, որովհետև ես այսօր այն տարիքում եմ, որ պարտավոր եմ նորից ևս մեկ լավ բան անել իմ հայրեինիքի համար»,–պատասխանելով լրագրողների հարցին, թե որն է նրա քաղաքական ընտրության շարժառիթը՝ «Համախմբում» կուսակցության հիմնադիր համագումարում նման տեսակետ հայտնեց «Արաբո» ջոկատի հիմնադիր հրամանատար Մանվել Եղիազարյանը:

«Արաբո» ջոկատի հիմնադիր հրամանատարը, լրագրողների միջոցով դիմելով հասարակությանը, ասաց.

«Խնդրում եմ այն մարդկանց, որոնք այսօր ինձ լսում են, ճիշտ պատկերացում կազմել իմ ասածների մասին: Նայե՛ք ձեր քաղաքական իրավիճակին, նայե՛ք իշխանական դաշտին, նայե՛ք ընդդիմադիր դաշտին, ձեր գեներալներին, նայե՛ք բոլորին: Ես նախաձեռնող խմբի հետ համատեղ աշխատանք եմ տանում, միայն նրա համար, որովհետև վաղվա օրն ավելի վտանգավոր է դառնում հատկապես Արցախի այս միջադեպից հետո»:

Աղբյուրը՝ «Zham.am»