Կայացել է մարդու իրավունքների շուրջ ԵՄ-Հայաստան առաջին երկխոսությունը
2009թ. դեկտեմբերի 9-ին Երեւանում կայացավ Մարդու իրավունքների շուրջ ԵՄ-Հայաստան առաջին երկխոսությունը: Ներկայումս ԵՄ-ն մարդու իրավունքներին նվիրված երկխոսության մեջ է ներգրավված աշխարհի ավելի քան երեսուն երկրների հետ: Մարդու իրավունքների շուրջ ԵՄ-Հայաստան երկխոսության մեկնարկն ազդարարում է, որ ԵՄ-ն եւ Հայաստանն ընդլայնում են համագործակցությունը մարդու իրավունքների ոլորտում:
Մարդու իրավունքների շուրջ ԵՄ-Հայաստան առաջին երկխոսությունն անցավ բաց, բարեկամական եւ կառուցողական մթնոլորտում, որի ընթացքում արծարծվեց փոխադարձ հետաքրքրություն եւ մտահոգություն ներկայացնող հարցերի լայն շրջանակ, ինչպես նաեւ քննարկվեցին մարդու իրավունքների շուրջ կոնկրետ համագործակցության հեռանկարներ:
Հայկական պատվիրակությունը ղեկավարում էր ԱԳ նախարարի տեղակալ տիկին Կարինե Ղազինյանը: Պատվիրակության կազմում էին Արդարադատության փոխնախարար Նիկոլայ Առուստամյանը, ինչպես նաեւ Գլխավոր դատախազության, Ոստիկանության, Արտաքին գործերի նախարարության եւ պետական այլ գերատեսչությունների ներկայացուցիչներ:
ԵՄ պատվիրակությունը գլխավորում էր Շվեդիայի (որպես ԵՄ նախագահող երկիր) Մարդու իրավունքների հարցերով դեսպան պրն. Յան Աքսել Նորդլանդերը: Պատվիրակության կազնում էին նաեւ Մարդու իրավունքների հարցերով ԵՄ բարձրագույն ներկայացուցչի անձնական ներկայացուցիչ տկն. Ռիինա Կիոնկան, Եվրահանձնաժողովում մարդու իրավունքների բաժանմունքի ղեկավար պրն. Ռոլֆ Թիմանսը, Մարդու իրավունքների հարցերով Իսպանիայի դեսպան տկն. Սիլվիա Էսկոբարը' որպես ԵՄ գալիք նախագահության ներկայացուցիչ:
Մարդու իրավունքների շուրջ առաջին երկխոսության օրակարգն ընդգրկում էր քննարկումներ մարդու իրավունքների պաշտպանության ազգային համակարգի, ներառյալ դատական համակարգի բարեփոխումների եւ մարդու իրավունքների օրենսդրության կիրարկման վերաբերյալ: Օրակարգում ներառված էին նաեւ քաղաքացիական, քաղաքական, տնտեսական, սոցիալական եւ մշակութային իրավունքների, ինչպես նաեւ' միջազգային ատյաններում մարդու իրավունքների պաշտպանության շուրջ համագործակցության վերաբերյալ հարցեր:
Կայացել է մարդու իրավունքների շուրջ ԵՄ-Հայաստան առաջին երկխոսությունը
2009թ. դեկտեմբերի 9-ին Երեւանում կայացավ Մարդու իրավունքների շուրջ ԵՄ-Հայաստան առաջին երկխոսությունը: Ներկայումս ԵՄ-ն մարդու իրավունքներին նվիրված երկխոսության մեջ է ներգրավված աշխարհի ավելի քան երեսուն երկրների հետ: Մարդու իրավունքների շուրջ ԵՄ-Հայաստան երկխոսության մեկնարկն ազդարարում է, որ ԵՄ-ն եւ Հայաստանն ընդլայնում են համագործակցությունը մարդու իրավունքների ոլորտում:
Մարդու իրավունքների շուրջ ԵՄ-Հայաստան առաջին երկխոսությունն անցավ բաց, բարեկամական եւ կառուցողական մթնոլորտում, որի ընթացքում արծարծվեց փոխադարձ հետաքրքրություն եւ մտահոգություն ներկայացնող հարցերի լայն շրջանակ, ինչպես նաեւ քննարկվեցին մարդու իրավունքների շուրջ կոնկրետ համագործակցության հեռանկարներ:
Հայկական պատվիրակությունը ղեկավարում էր ԱԳ նախարարի տեղակալ տիկին Կարինե Ղազինյանը: Պատվիրակության կազմում էին Արդարադատության փոխնախարար Նիկոլայ Առուստամյանը, ինչպես նաեւ Գլխավոր դատախազության, Ոստիկանության, Արտաքին գործերի նախարարության եւ պետական այլ գերատեսչությունների ներկայացուցիչներ:
ԵՄ պատվիրակությունը գլխավորում էր Շվեդիայի (որպես ԵՄ նախագահող երկիր) Մարդու իրավունքների հարցերով դեսպան պրն. Յան Աքսել Նորդլանդերը: Պատվիրակության կազնում էին նաեւ Մարդու իրավունքների հարցերով ԵՄ բարձրագույն ներկայացուցչի անձնական ներկայացուցիչ տկն. Ռիինա Կիոնկան, Եվրահանձնաժողովում մարդու իրավունքների բաժանմունքի ղեկավար պրն. Ռոլֆ Թիմանսը, Մարդու իրավունքների հարցերով Իսպանիայի դեսպան տկն. Սիլվիա Էսկոբարը' որպես ԵՄ գալիք նախագահության ներկայացուցիչ:
Մարդու իրավունքների շուրջ առաջին երկխոսության օրակարգն ընդգրկում էր քննարկումներ մարդու իրավունքների պաշտպանության ազգային համակարգի, ներառյալ դատական համակարգի բարեփոխումների եւ մարդու իրավունքների օրենսդրության կիրարկման վերաբերյալ: Օրակարգում ներառված էին նաեւ քաղաքացիական, քաղաքական, տնտեսական, սոցիալական եւ մշակութային իրավունքների, ինչպես նաեւ' միջազգային ատյաններում մարդու իրավունքների պաշտպանության շուրջ համագործակցության վերաբերյալ հարցեր: