ՀՀԿ պատգամավոր. «Մենք Ցեղասպանության հարցից ընդհանրապես չենք հրաժարվելու»
ԱԺ ՀՀԿ խմբակցության անդամ Գագիկ Մելիքյանը լրագրողների հետ հանդիպման ժամանակ ասել է, որ չնայած հայ-թուրքական հարաբերությունների կարգավորման առումով չի բարձրաձայնվում, բայց մեր կողմը ևս նախապայմաններ ունի։
-Մենք շատ հեշտությամբ կարող ենք բարձրացնել Հայոց ցեղասպանության խնդիրը և այդ խնդրի հետ շաղկապված այլ հարցեր։ Նշեմ, որ այսօր միջազգային հանրության մոտ ավելի նպաստավոր պայմաններ են առաջացել Հայոց ցեղասպանության միջազգային ճանաչման գործընթացը շարունակելու համար, և դա պայմանավորված է հայ-թուրքական հարաբերությունների վերջին զարգացումներով, թուրքահայ կողմից առաջ քաշվող նախապայմաններով։ Օբամայի վերջին հայտարարություններում էլ կա, որ, իրոք, Հայոց ցեղասպանության ճանաչման խնդիրն այլևս կոնգրեսում անհնար է կանգնեցնել, եթե Թուրքիան նույն ձևով շարունակի Հայաստանի հետ նախապայմաններով խոսել,-ասել է նա։
Այն հարցին, իսկ եթե Թուրքիան չշարունակի նախապայմաններով խոսել, մենք պատրա՞ստ ենք հրաժարվել այդ հարցից, Գագիկ Մելիքյանը պատասխանել է՝ ոչ։
-Մենք այդ հարցից ընդհանրապես չենք հրաժարվելու, և դրա մասին բազմիցս ասվել է։ Հայոց ցեղասպանության հարցը միջազգային հանրության կողմից վաղ թե ուշ միանշանակ ճանաչվելու է,-նշել է նա։
ՀՀԿ պատգամավոր. «Մենք Ցեղասպանության հարցից ընդհանրապես չենք հրաժարվելու»
ԱԺ ՀՀԿ խմբակցության անդամ Գագիկ Մելիքյանը լրագրողների հետ հանդիպման ժամանակ ասել է, որ չնայած հայ-թուրքական հարաբերությունների կարգավորման առումով չի բարձրաձայնվում, բայց մեր կողմը ևս նախապայմաններ ունի։
-Մենք շատ հեշտությամբ կարող ենք բարձրացնել Հայոց ցեղասպանության խնդիրը և այդ խնդրի հետ շաղկապված այլ հարցեր։ Նշեմ, որ այսօր միջազգային հանրության մոտ ավելի նպաստավոր պայմաններ են առաջացել Հայոց ցեղասպանության միջազգային ճանաչման գործընթացը շարունակելու համար, և դա պայմանավորված է հայ-թուրքական հարաբերությունների վերջին զարգացումներով, թուրքահայ կողմից առաջ քաշվող նախապայմաններով։ Օբամայի վերջին հայտարարություններում էլ կա, որ, իրոք, Հայոց ցեղասպանության ճանաչման խնդիրն այլևս կոնգրեսում անհնար է կանգնեցնել, եթե Թուրքիան նույն ձևով շարունակի Հայաստանի հետ նախապայմաններով խոսել,-ասել է նա։
Այն հարցին, իսկ եթե Թուրքիան չշարունակի նախապայմաններով խոսել, մենք պատրա՞ստ ենք հրաժարվել այդ հարցից, Գագիկ Մելիքյանը պատասխանել է՝ ոչ։
-Մենք այդ հարցից ընդհանրապես չենք հրաժարվելու, և դրա մասին բազմիցս ասվել է։ Հայոց ցեղասպանության հարցը միջազգային հանրության կողմից վաղ թե ուշ միանշանակ ճանաչվելու է,-նշել է նա։
7or.am