ԱՄՆ–ի գիտության և միջազգային անվտանգության ինստիտուտի աշխատակիցները արբանյակից արված լուսանկարներում Հյուսիսային Կորեայի գաղտնի միջուկային օբյեկտ են հայտնաբերել, որի մասին նախկինում ոչ մի տեղեկատվություն չի եղել։

Ինչպես հաղորդում է «Reuters» գործակալությունը, ավիացիոն մասեր արտադրող գործարանի շենքը հյուսիսկորեական մասնագետները կարողացել են օգտագործել ցենտրիֆուգ ստեղծելու համար՝ ուրանի հարստացման նպատակով։ ԶԼՄ–ի տվյաներով՝ այդ օբյեկտը տեղակայված է Յոնբենում գտնվող ռեակտորից 43 կմ հեռավորության վրա։

«Անհրաժեշտ է պարզել, որ Հյուսիսային Կորեան հարստացնում է ուրանը։ Իսկ ըմբռնումն այն մասին, թե որտեղ է դա արվել նախկինում, կարող է շատ օգտակար լինել»,– մեկնաբանել է ԱՄՆ–ի գիտության և միջազգային անվտանգության ինստիտուտի նախագահ Դևիդ Օլբրայթը։

7or.am