Ինչպես արդեն տեղեկացրել էինք, ՀՀ նախագահի մամլո գրասենյակը հաղորդել էր, որ հոկտեմբերի 27-ին Ռուսաստանի Դաշնության Աստրախան քաղաքում ՌԴ նախագահ Դմիտրի Մեդվեդևի նախաձեռնությամբ տեղի կունենա Հայաստանի Հանրապետության, Ռուսաստանի Դաշնության և Ադրբեջանի Հանրապետության նախագահների եռակողմ հանդիպումը, որի ընթացքում կողմերը կշարունակեն բանակցությունները Լեռնային Ղարաբաղի հակամարտության խաղաղ կարգավորման շուրջ:

Լրագրողների հետ հանդիպման ժամանակ քաղաքագետ Երվանդ Բոզոյանն անդրադառնալով այդ թեմային՝  հայտարարել է, թե Սարգսյան-Մեդվեդև-Ալիև հանդիպումից լուրջ սպասելիքներ չունի և  չի կարծում, թե Աստրախանի և Աստանայի հանդիպումները բեկում կմցնեն ստեղծված իրավիճակում:

-Պարզապես ռուսական կողմը փորձելու է կողմերին առաջարկել այնպիսի մի բանաձև, որտեղ կլինի կետ ուժի չկիրառման մասին, ինչը բնականաբար ադրբեջանական կողմը մերժում է։ Ադրբեջանը, ըստ էության, անընդհատ հայտարարում է, թե ինքը կողմ է Մադրիդյան սկզբունքների կոնկերտ կիրառմանը և փաստացի կողմ է փուլային տարբերակին, և բնականաբար Հայաստանը դեմ է այդպիսի տարբերակին, որովհետև հայկական կողմը ոչինչ չի ստանում, այլ ամեն ինչ զիջում,-նշել է նա։

Ըստ Երվանդ Բոզոյանի՝ պարզապես Ռուսաստանը ցանկանում է միջնորդների մեջ իրեն առավել գործուն դրսևորել։

7or.am