«Սասնա ծռեր» խմբի անդամ Արայիկ Խանդոյանը (Միայնակ գայլ) կալանքի տակ կմնա ևս երկու ամիս. Երևանի Արաբկիր և Քանաքեռ Զեյթուն վարչական շրջանների ընդհանուր իրավասության դատարանը մերժեց գրավի դիմաց նրան ազատ արձակելու միջնորդությունը։

–Դատարանը վճիռը հրապարակեց առանց մեր և քննիչի ներկայության: Ես հայտարարեցի, որ դատարանն արդարադատություն չի իրականացնում, այլ նոտարի դեր է կատարում և միայն կնիք է դնում միայն,- դատարանի մոտ լրագրողների հետ զրույցում ասել է Արայիկ Խանդոյանի փաստաբան Արա Ղարագյոզյանը։

Հիշեցնենք՝ Արայիկ Խանդոյանին մեղադրանք է առաջադրվել ՀՀ քրեական օրենսգրքի 218 հոդվածի 3-րդ մասի 1-ին կետով (պատանդ վերցնելը) և 235 հոդվածի 3-րդ մասով (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը):