Վիեննայի դատախազությունից հայտնել են, որ Ադրբեջանի ձյուդոյի հավաքականի գլխավոր մարզիչ, կրկնակի օլիմպիական չեմպիոն, ավստրիացի Փեթեր Զեյզենբահերը մեղադրվում է 2 աղջկա բռնաբարության մեջ։ 56-ամյա մարզիկին արդեն մեղադրանք է առաջադրվել մանկապղծության համար։ Այս մասին հայտնում է «Associated Press»–ը։

Հետաքննության ընթացքում պարզվել է, որ դա տեղի է ունեցել 1990-ականների վերջին և 2000-ականների սկզբին, երբ Զեյզենբահերն աշխատում էր Վիեննայի մարզական ակումբում։ Նշվում է, որ զոհերից մեկի հետ նա սաստիկ դաժանաբար է վարվել մի քանի տարի շարունակ։

«Комсомольская правда»–ի փոխանցմամբ՝ մարզիկը չի մեկնաբանել մեղադրանքները։

Ձյուդոյիստն օլիմպիական մեդալներ է նվաճել 1984–ի և 1988–ի Օլիմպիական խաղերի ժամանակ։ 2012-ից ձյուդոյի Ադրբեջանի հավաքականի գլխավոր մարզիչն է։

7or.am