Լրահոս

12.10.2016 13:29


Արամ Մանուկյանի խափանման միջոցի հարցով վերաքննիչ բողոքը մերժվեց

Արամ Մանուկյանի խափանման միջոցի հարցով վերաքննիչ բողոքը մերժվեց

Վերաքննիչ քրեական դատարանը մերժեց «Սասնա ծռեր»-ի անդամ Պավել Մանուկյանի որդու՝ Արամ Մանուկյանի՝ խափանման միջոցի հարցով բողոքը։

Հուլիսի 17-ի վաղ առավոտյան Ոստիկանության պարեկապահակային ծառայության (ՊՊԾ) գնդի տարածքը գրաված «Սասնա ծռեր» զինված խմբի երիտասարդ անդամի պաշտպանները Վերաքննիչ դատարանում բողոքարկում էին առաջին ատյանի դատարանի որոշումը՝ կալանքի ժամկետը ևս 2 ամսով երկարացնելու մասին։

Արամ Մանուկյանի պաշտպան Ինեսսա Պետրոսյանն «Ազատության»-ը փոխանցեց, որ վերաքննիչ դատարանի որոշումն ապօրինի է և այն բողոքարկելու են վճռաբեկ ատյանում։

Պետրոսյանը նշեց, որ դատարանն, ինչպես «Սասնա ծռեր»-ի մյուս անդամների դեպքում, վերահաստատեց նախաքննական մարմնի դիրքորոշումն, ըստ որի, ազատության մեջ գտնվելով նա կխոչընդոտի նախաքննությանը։

Արամ Մանուկյանը, ինչպես նաև հայրը՝ Պավել Մանուկյանը և «Սասնա ծռեր»-ի ևս 6 անդամներ դեռևս գտնվում են Դատապարտյալների հիվանդանոցում։ Ոստիկանության ՊՊԾ գնդի տարածքից նրանք դուրս էին եկել հրազենային ծանր վիրավորումով, տեղափոխվել «Էրեբունի» հիվանդանոց, այնուհետև՝ Դատապարտյալների հիվանդանոց։ «Սասնա ծռեր»-ից և ոչ մի անդամ մեղքը չի ընդունում։

Մանրամասները՝ «azatutyun.am»–ում։

Այս խորագրի վերջին նյութերը