Ֆրանսիայի Արտաքին գործերի և Եվրոպական հարցերի նախարարության մամլո խոսնակի սթ. հոկտեմբերի 28-ի հայտարարությունը.

«Ֆրանսիան ողջունում է, նախագահ Մեդվեդևի նախաձեռնությամբ,  նախագահներ Իլհամ Ալիևի, Սերժ Սարգսյանի և Դմիտրի Մեդվեդևի ՝ հոկտեմբերի 27-ի Աստրախանի համատեղ հայտարարությունը, ողջունելով նաև այդ հակամարտության խաղաղ կարգավորմանն ուղղված նախագահ Մեդվեդևի անձնական հանձնառությունը։ Սույն հայտարարությամբ հակամարտող կողմերն ընդունում են բանակցված խաղաղ կարգավորման և հրադադարի ամրապնդման անհրաժեշտությունը՝ վստահության միջոցառումներով։ Որպես առաջին քայլ, կողմերը պարտավորվում են արագորեն ձեռնամուխ լինել  իրենց մոտ պահվող գերիների և դիակների փոխանակմանը։

Աստրախանում կողմերի ընդունած որոշումները կարող են նպաստել  լարվածության և վերջին ամիսներին բազմապատկված հրադադարի խախտումների նվազեցմանը։ Ֆրանսիան ակնկալում է վերջիններիս շուտափույթ կենսագործում։ Այս հակամարտությունը  կարող է լուծվել միայն երկխոսության միջոցով՝ խաղաղ, կայուն և բարգավաճ ապագա ապահովելու Հայաստանի և Ադրբեջանի, ինչպես նաև ողջ տարածաշրջանի համար։

Միացյալ նահանգների և Ռուսաստանի հետ ԵԱՀԿ Մինսկի խումբը համանախագահող  Ֆրանսիան չի խնայելու իր միջնորդական ջանքերը՝ օգնելու Լեռնային Ղարաբաղի հարցում ընդդիմացած Հայաստանին և Ադրբեջանին' հասնելու հակամարտության  խաղաղ, արդար և կայուն կարգավորման»։