70 տարեկանը պատկառելի տարիք է։ Այդ տարիքում տարեց կանանց մեծամասնությունը երեխաներ, թոռներ և ծոռներ ունեն, թխում են կարկանդակներ առիթների համար և անհամբերությամբ սպասում կենսաթոշակին։ Այս ամենը սովորական է, սակայն ոչ Նինել Բլոխինայի համար։ Այս մասին հայտնում է «fitnessi.ru»–ն։

Այս կնոջը դժվար կլինի անվանել տատիկ, սակայն նա վաղուց ոչ 50, ոչ էլ 60 տարեկան չէ։ Նա ակտիվորեն զբաղվում է սպորտով, հեծանիվ և անվաչմուշկներ վարում, զբաղվում է յոգայով և հաճույքով ճամփորդում աշխարհով մեկ։

Ի տարբերություն սովորական տատիկների տների՝ Նինելը չունի գորգեր, «սերվանտ» և այլ սովետական կահույք։ Նրա բնակարանի 2 սենյակներն էլ ձևավորված են ճաշակով և նորաձև ոճով։

Սպորտից բացի՝ կինը հավաքում է բալետի պարուհիների արձանիկներ և այն երկրների լուսանկարները, որոնցում նա եղել է։ Նրա դարակներում կարելի է տեսնել տարբեր դարաշրջանի պարուհիների քանդակներ՝ աշխարհի տարբեր վայրերից։

7or.am