ՄԱԿ–ի ներկայացուցիչները հայտարարել են Եմենում 72–ժամյա հրադադար հաստատելու մասին, որն ուժի մեջ է մտնելու հոկտեմբերի 20–ից։ Այս մասին հաղորդել են ՄԱԿ–ի մամլո ծառայությունից։

«ՄԱԿ–ի հատուկ բանագնացը Եմենում բոլորի կողմից ստացել է հավաստիացումներ 2016թ. ապրիլի 10–ից հրադադար պահպանելու հանձնառությունը ստանձնելու մասին, որը կրկին ուժի մեջ կմտնի հոկտեմբերի 19–ին՝ Եմենի ժամանակով 23։59–ին, 72 ժամով՝ հետագա երկարացման հնարավորությամբ»,–նշվում է հաղորդագրության մեջ։

Ինչպես նշել են կազմակերպությունում, ապրիլին հայտարարված հրադադարի ռեժիմը չի պահպանվում։ Հակամարտության կողմերը դեռևս չեն նստել բանակցությունների սեղանի շուրջ։

7or.am