Քաղաքագետների միության նախագահ, ԱԺ պատգամավորության թեկնածու Հմայակ Հովհաննիսյանը «7օր»-ի հետ զրույցում ասել է, թե իր նախընտրական շտաբները աշխատում են կողմնակիցների ջանքերով և հետևում են ընտրատարածքում տեղի ունեցող իրադարձություններին։

Նա նշել է, որ խոսքի տեր է և հանելու է իր թեկնածությունը Նիկոլ Փաշինյանի օգտին։

-Ես ամսի 28-ին ուղերձով դիմելու եմ 10-րդ ընտրատարածքի ընտրողներին, հիմնավորելու եմ իմ որոշումը, այդ որոշման անայլընտրանքայնությունը և նույն օրը  ընտրական հանձնաժողովին դիմում եմ ներկայացնելու այն մասին, որ հանում եմ իմ թեկնածությունը, իսկ ուղերձում բացատրելու եմ պատճառները,-ասել է Հմայակ Հովհաննիսյանը։

Նրա խոսքերով՝ իր թեկնածությունը հանելուց հետո Նիկոլ Փաշինյանի հաղթանակը փաստ է, և հունվարի 10-ին ուղղակի այդ փաստը պետք է արձանգրվի։

7or.am