Տրանսիլվանիայում Մարոշ գետի ափերին պեղումների ժամանակ հնէաբանների կողմից հայտնաբերված առարկան գիտնականների մոտ շփոթություն է առաջացրել և առիթ դարձել ենթադրելու, որ հնագույն ժամանակներում Ռումինիա են այցելել այլմոլորակայինները։ Այս մասին հայտնում է «The Mirror»–ը։

Այդ մետաղական իրը հայտնաբերվել էր դեռևս 1973թ., սակայն այդ ժամանակ այն մանրամասն ուսումնասիրության չէին ենթարկել։ Առաջին հետազոտությունները ցույց են տվել, որ այն 12 մետաղից բաղկացած խառնուրդ է և 90 տոկոսով կազմված է ալյումինից։ Առարկայի տարիքը մոտավորապես կազմում է 250.000 տարի։

Ճիշտ է, այնուհետև պարզվել է, որ հանելուկային առարկան կարող է լինել ընդամենը 400 տարեկան, սակայն դա չի կարող տարհամոզել ուֆոլոգներին։ Բանն այն է, որ մարդկությունը սովորել է նման խառնուրդներ պատրաստել 200 տարի առաջ, այդ պատճառով էլ այդ առարկան, միևնույն է, կարող է այլմոլորակային ծագում ունենալ։

Ներկայումս գիտնականների և ուֆոլոգների միջև ընթանում են բուռն բանավեճեր այդ առարկայի ծագման վերաբերյալ։ Այս ընթացքում այն հայտնվել է Կլուժ–Նապոկա քաղաքի պատմական թանգարանի ցուցահանդեսում։ Ցուցանմուշի նկարագրության մեջ ասվում է, որ վերջինիս ծագումն անհայտ է։

7or.am