Այսօր' հոկտեմբերի 30-ին ԱՊՀ և Բալթիայի երկրների թարգմանիչների և հրատարակիչների 4-րդ համաժողովի շրջանակներում Երևան ժամանած պատվիրակները այցելեցին Ծիծեռնակաբերդ:

Որպես համաժողովի եզրափակիչ միջոցառում, պատվիրակները այցելեցին Ցեղասպանության թանգարան և հարգեցին զոհերի հիշատակը' ծաղիկ դնելով հավերժական կրակի մոտ:

Այսօր համաժողովը ավարտում է իր աշխատանքը և պատվիրակները լքում են Հայաստանը:

Հիշեցնենք նաև, որ հոկտեմբերի 28-ին և 30-ին Երևանի մի քանի ուսումնական հաստատություններում տեղի ունեցան վարպետության դասընթացներ միջազգային մեդիաների հայտնի ներկայացուցիչների մասնակցությամբ: Ներկայացուցիչները Հայաստան են ժամանել, որպես ԱՊՀ և Բալթիայի երկրների թարգմանիչների և հրատարակիչների 4-րդ համաժողովի շրջանակներում ընթացող մեդիա-համաժողովի պատվիրակներ: