ՌԴ ԱԳՆ պաշտոնական ներկայացուցիչ Մարիա Զախարովան լեհ ակտիվիստների հետ հանդիպման ժամանակ զինվորական շիլա է կերել և օղի խմել։ Այս մասին հայտնում է RT–ն։

Սկզբում Զախարովան կենաց է ասել՝ առաջարկելով խմել ծանոթության համար, այնուհետև ակտիվիստների հետ օղի է խմել։

Փորձելով զինվորական կերակրամանով մատուցված շիլան՝ ՌԴ ԱԳՆ ներկայացուցիչը հետաքրքրվել է՝ ինչից է պատրաստված ուտելիքը։

Նրան պատասխանել են, որ այն հնդկաձավարի շիլա է՝ շոգեխաշած մսով և գազարով։

«Բաղադրատամոսը մոտավորապես նույնն է, ինչ Երկրորդ համաշխարհայինի տարիներին»,–հավելել է՝ ներկաներից մեկը։

Հիշեցնենք՝ ավելի վաղ էլ «Կուրսկ» ռազմահայրենասիրական ընկերության ղեկավար Եժի Տիցը Զախարովայի գեղեցկությունը Կալաշնիկով ինքնաձիգի հետ էր համեմատել։

7or.am