ԱՄՆ ՀԴԲ–ն իր վրա է վերցրել «Clinton Foundation» բարեգործական հիմնադրամին վերաբերող գործի վերահսկողությունը, որը պատկանում է Դեմոկրատական կուսակցությունից ԱՄՆ նախագահի թեկնաու Հիլարի Քլինթոնին և նրա ամուսին, երկրի նախկին նախագահ Բիլ Քլինթոնին։ Այս մասին հաղորդում է «Fox News»–ը՝ հղում անելով իրավիճակին ծանոթ աղբյուրներին։

Նշվում է, որ ՀԴԲ–ի գործակալներն ակտիվորեն հարցաքննել են մի քանի հոգու, ովքեր կապված են հիմնադրամի գործի հետ։ Աղբյուրների խոսքերով՝ ՀԴԲ–ն բավականին մեծ քանակությամբ ապացույց է հավաքել այն մասին, որ հիմնադրամի միջոցները ոչ նպատակային նշանակությամբ էին օգտագործվում։

«Նոր տեղեկատվության հոսք է ստացվում ամեն օր»,–ասել է աղբյուրներից մեկը՝ մեկնաբանելով գործի հետաքննման ընթացքը։

7or.am