Նոյեմբերի 2-ին Միացյալ Նահանգների միլիոնավոր քաղաքացիներ կմասնակցեն ԱՄՆ Կոնգրեսի միջանկյալ ընտրություններին։ Նրանց ձայների համար պայքարում են կոնգրեսականներ և սենատորներ մրցակցող երկու հիմնական՝ Դեմոկրատական և Հանրապետական կուսակցություններից։ Մասնագետները կանխորոշում են իշխող Դեմոկրատական կուսակցության պարտությունը։ Նրանց կարծիքով՝ ամբողջ հարցն այն է, թե որքան մեծ կլինի պարտությունը։ Մինչդեռ նախագահ Բարաք Օբամայի կարծիքով՝ եթե Կոնգրեսում հաղթեն Հանրապետականները, ԱՄՆ-ը հետ կգնա։

Ամերիկացիները պետք է ընտրեն ներկայացուցիչների պալատի ողջ կազմը՝ 435 մարդ և 100 սենատորներից 37-ին։

Դեմոկրատների և Հանրապետականների ներկայիս հարաբերակցությունը սենատում 59/41 է (ներառյալ երկու անկախ պատգամավորներին, ովքեր սովորության համաձայն քվեարկում են  դեմոկրատների պես), իսկ ներկայացուցիչների պալատում՝ 255/178 (ներառյալ երկու թափուր տեղերը)։