-Պատգամավոր կա, որ տարին մեկ անգամ չի լինում իր ընտրատարածքում,- 2009թ. ամփոփիչ ասուլիսի ընթացքում հայտարարել է ԱԺ նախագահ Հովիկ Աբրահամյանն ու նշել, թե 2012թ. ինքը ՀՀԿ-ում բարձրացնելու է այն հարցը, որ խորհրդարանում գործարարներ քիչ լինեն։

-Գործարարը պետք է զբաղվի իր գործառույթներով։ Քաղաքական գործիչ դառնալու համար շատ խելք պետք  չէ։ Այնքան մարդիկ կան, որ պատահական կարող են դառնալ քաղաքական գործիչ, բայց չկա մի մարդ, որ պատահական դառնա գործարար։ Եթե պատահական դառնա, կարճ ժամանակ հետո կունենա ֆինանսական պրոբլեմ և կսնանկանա։ Իսկ մեկը կարող է պատահական ընտրվել  պատգամավոր և 5 տարի դառնա քաղաքական գործիչ,-հայտարարել է Ազգային ժողովի նախագահը։

«Դուք Ձեզ քաղաքական գործիչ համարո՞ւմ եք» հարցին Հ. Աբրահամյանը պատասխանել է.

-Ես քաղաքական գործիչ եմ, և շատ լավ եմ հասկանում թե՛ գործարարությունից, թե՛ բիզնեսից։ Դա, իհարկե, իմ գործին ավելի օգնում է։ Տեսական գիտելիքը ես շատ եմ հարգում, բայց մարդը պետք է նաև պրակտիկա անցած լինի։

7or.am