Ազգային ժողովի նախագահ Հովիկ Աբրահամյանն այսօր խորհրդարան էր հրավիրել հայաստանյան լրատվամիջոցների ղեկավարներին և Ազգային ժողովի աշխատանքները լուսաբանելու համար հավատարմագրված լրագրողներին՝ մասնակցելու ամանորյա ընդունելությանը։

-Ցանկացած իշխանություն, յուրաքանչյուր պաշտոնյա իր թիկունքում միշտ պետք է զգա ազատ մամուլի շունչը, որը, սակայն, պիտի լինի արդար և անաչառ,  կոռեկտ ու պրոֆեսիոնալ,-իր ողջույնի խոսքում ասել է Հ. Աբրահամյանը, ապա ավելացրել,- ազատ ու օբյեկտիվ զանգվածային լրատվության միջոցը խաղաղության և ժողովրդավարության հիմքերից է: Ես ցանկանում եմ շնորհակալություն հայտնել չորրորդ իշխանության ներկայացուցիչներին Հայաստանում ժողովրդավարացման ասպարեզում կատարած նշանակալի ներդրման համար:

7or.am