ԱՄՆ պաշտպանության նախարար Ռոբերտ Գեյթսը հայտարարել է, որ Իրանի հարցում Միացյալ Նահանգները պատրաստվում են առաջ շարժվել «դիվանագիտական գծով» և պահպանել տնտեսական պատժամիջոցները, որոնք նրանց կարծիքով բավականին արդյունավետ են։

Իսկ Իսրայելի վարչապետ Բենյամին Նեթանյահուն կոչ էր արել ԱՄՆ-ին ընդունել Իրանի նկատմամբ կիրառվող տնտեսական պատժամիջոցների անարդյունավետությունը՝ հայտարարելով, թե միայն ռազմական միջամտության իրական վտանգը կստիպի Իսլամական Հանրապետությանը հրաժարվել միջուկային զենքի ստեղծումից։